الأحد، 30 سبتمبر، 2012

ممبآلغهه ْ ،

. . .
معاناة غيري ما تشبه معاناتيْ
مقارنة نفسي بغيري يساعدها
من هالأوادم تلقاه أكثر شخص يعاني
كثر كلامه عن احزانه خفى اللي يسعدها
الحزن رغم الألم هو شي إيجابي
يعلمك أشياء حلوه عمرك م تنساها
مبالغة هالبشر لا قالوا آه ي جراحي
تحس بأنه م يملك بهالدنيا سوي جراحها
الجرح اللي تحسبه لا يقارن بشخص ثاني
شوف منو فهالخلايق تاه في متاهتها
البعض ينام وهو من يوم وبطنه فاضي
والبعض عمره ما شاف الشمس ولا ناظرها
شخص ما لامس الأرض ولا حس بإحساسي
لا ركضت عليها بشعور أني أملكههإ
هذا يخليني رغم المعاناه ما أعاني
لأن المعاناه معناتها عمري م حسيتبها
لا ذكرت اني احسن من شخص ثاني 
أحمده خالقي واللي هالسسما خالقها 
بعض الناس تمنت انها تكون يوم مكاني
ليش أعاني، وانا افضل من وضايعها
لو هالبشر تناظر الواقع لو بس ثواني
كان حلينا مشاكل العالم ومخاطرها
لو الوضع كان طموح ويمليه التفاني
كان قللنا من اوضاع الدنيا وعمايلها
تفكيرنا بأنفسنا خلا كل شخص أناني
ونظرته للآخر عدم احترام نفسه ومشاعرها
انتقام وجرح وكل شخص لازم جاني
ليت الخلايق لو يوم تبدل مشاعرها
م غير أكتب علني أوصل أنواع المعاني
يقدر يفهمها اللي حاس بأنه فاهمهآ !!

الجمعة، 14 سبتمبر، 2012

حس به !

حس بهه صدي قد احتمالي لصدك.         تصدق انته تستحق اكثر من عنادي!
تجيني بأوقاتك وتلقاني ع خبرگ.            هالمره انته انتظرني قد كل انتظاري
لامليت تلقاني بكل يوم ودايم انتظرك.        هذا الشعور جبرني بقسى  اضطراري
خلني اشوف نهايات تحملك وصبرك.        صبري عليك سبب من جريمة انتحاري
طبعي تغير وصار له جزء من طبعك.         يعني من افعالك استقبلها ردود افعالي
جرب نمثل انته انا وانا باخذك كلك.          خلنا نشوف من هو اللي بيتحمل الثاني
جزء مني يبيك وجزء مل من قسوك.          ولا التقينا صرت انسان مبدع في عتابي
ماني محتاجه عطفك ولا كلام حبك.          محتاجه احساس أحسبه يا مأخذ إحساسي




الثلاثاء، 28 أغسطس، 2012

شهره !


تبغي تكون انسان لك شهره؟
جرب ولو مره تظهر جنونك
الجنون شخصيتك  اللي متدمره
خفوها هالخلايق من شعورك
تعودت تجامل وكلامك له نبره
تسايرهم رغم انهم يصدمونك
عودوك وم صار عندك قدره
تظهر حقيقتك ومخفى شعورك
ولو رجعت لشخصيتك ولو مره
شوف منهو بيبقى من حولك
بيحكون عنك وبتصير لك شهره
من ورى ظهرك وهم يخونوك
كل شخص خافي حقيقة أمره
وشخصيتك مثلهم  في سجونك
ليش هالزمن بالذات حقايقه مره
ليش من طبيعة تصرفاتك يخوفونك
اختلافاتنا شي جداً جميل اعتبره
ع الأقل بتلقى اشخاص يفهمونك
بتعرف الصادق واللي حامل الصدمه
وبتخشى الخاين من اللي يصونك
م بتحس انك فمسرحية طويلة المده
بعد ما تحس بشعور قسوه طعونك
تكتشف انك جمهورها وتاخذ العبره
وتحس انك في نهايتها نهايه كونك
وتصير منها وتكون لك شهره !
 

معنى الحزن !

لو يسألوني شو هو اصل الحزن؟
بقول انه شعور يسمى حرمان
تحرم من اي شي يسمى حزن
وهو شعور من اختلاق الانسان
تحس به  مثل ما تسمع لحن
والحزن أعتبره مجموعة الحان
تبكينا وحزنه يمكن يبكي غصن
وتبكي بنت كساها صوت ذبلان
ولا رجل فارق له اهل ووطن
أو شخص من فعلته حيل ندمان
انا شعوري بالحزن مثل الحزن
انت الحزن يا مفارقني وزعلان
ودي بقربك وتصير عينك لي وطن
ودي ولكن المسافات شخص خوان
والوقت يغدرني واحس مالي زمن
الزمن  في بعدك ذكريات واحزان
اقضيه دونك واحس بصوتك شجن
اشتاقلك وادري فبعدي انت شفقان
وتأكد اني بدونك صرت اصل الحزن
اللي معناه اني بدونك اشعر بحرمان
 
 
 
 
 
 


الاثنين، 20 أغسطس، 2012

سوء ظنهم خلاهم يكونوا بليا قيمه
ياللي افتكرتوني انسانه احاسيسي بليده
ليش دايم تفكيركم فنفسكم هو اصل الحقيقه
م تعذروا شخص صارت له صدمه أليمه
ي قو هالبشر اللي مصالحهم هي القيمه
شعور غيرهم صار أوهام ومحبتهم شحيحه 
آه من هالخلايق اللي غلطه عندهم جريمه
وكأن هالغلطه ينتظروها سنين طويله
وش اجرامي لاصارت ظروفي شديده
شو هو عذري لا صرت انسانه جريحه
ليش صرتي ؟اجاوبهم لا تعرفوا الحقيقه
ماهو شرط أقول عذر غيبتي الطويله
لا تفتحوا صفحات جرحي واوراقي الكئيبه
محبتي الكم جبرتني اكون انسانه لئيمه
لا تظلمونيْ كانكم ما تعرفوا مغزى الغيبه
 سامحوني تغيرت لان اوقاتي صعيبه
م عندي قدره تحمل توصف بأنها كبيره
. . 




الأحد، 19 أغسطس، 2012

انت عيدي

  كشختي في العيد لك ماهي للناس
وش فايدتها دامك منت من زايريني
العيد انت وانت فرحة العيد من الأساس
وانت عيديتي لا اسألوني كم بغيتي ؟
ودي أقولهم عطوني اياه لأنه احساس
سعادة العيد فيني وهو أكبر امنيتي
ي عيد تكفى رد لي روح الأنفاس
لو مره بنظره ويرتاح نظر عيني
شوهو شعوري ؟ مابي أشوف هالناس
العيد ماحسه بشوفتهم ولو حتى يهنوني
ابيك انت تغنيني عن كل الأجناس
وتكون عيدي فكل يوم وشهر وسنيني

/ / 

كل عإم وننبض قلبي بخخير 
اللي احس به يعانق انفاسي
كل عام وهو عندي كل خير
واعده من احلى حظوظاتي
احبكك واقولها بلا تفسير
وبظل أحبك بكل اعيادي
. . . 




     

الاثنين، 13 أغسطس، 2012

عيديتي صوتك !

عيديتي صوتك دام شوفتك م تصير
خلني أعيد فيك دام انت كل عيدي
كل عام وانت بخير وانا معاك بخير
وكل عام وححبك في حياتي يزيدي
يا غرامي ياللي شوفتك شي غير 
كشختك ودي اشوفهإ ويروح ضيقي
قول آمين عساك من عايدينه بكل خير
وياي بإذن الله وهذي أحلى امنيتي
اعدل غترتك وتناظرني كأنك صغير
بسمة شقاوه تتبعها مشكوره حبيبتي
وامسك يدينك واقول احبك ي شرير
اشوفك فكل لحظه وتصير انت عيدي
ودي يصير واعيش معاك بكل خير
أفرح وتفرح أيامي فيك يا ضنيني 

=$



السبت، 11 أغسطس، 2012

ممر علي ! :")

مر علي . . شوف قلبي ان كان ميت ولا حي 
مر علي . . شوف دنيايا ما بقى فيها ضي 
ي نضر عيني حياتي انته فيني كل شي 
دونك الدنيا ي قلبي والله ما تسوى شي
. . . 
انته قللبك من حجر ياللي احساسك اندثر
وانته عندي هالنظر خلك احساس طهر
. . . 
زور قلبي . . شوف فبيتك وش حصل 
زور قلبي . . وخل نورك له شمعه أمل
خلك انساني اللي كان خلك انته الأصل
لا تغير اللي فيك تراك فيني كل أمل 
. . . 
انته قلبك من حجر ياللي احساسك اندثر
وانته عندي هالنظر خلك احساس طهر 
. . . 
لا تطول . . ي رجايا فيك قبل يمل الصبر
لا تطول . . رد لقلبك ولا تصير مثل الحجر
انا عمري ما شكيتك ولا شكيت حتى العمر
لا تخيب فيني ظني وانته فيني بعدك زهر 
. . . 
انته قلبك من حجر ياللي احساسك اندثر
وانته عندي هالنظر خل احساسك طهر 



كتبتهإ وآنآ ككلي آلم . . . ! 

الاثنين، 6 أغسطس، 2012

محتاجههْ

محتاجه أنسى أشياء انا صدق مابيها . . ياللي اخترعت الدوا وش دوا ماضينا
ذكريات ماهي جميله محتاجه امحيها . . فقدان بعض الذاكره يمكن يفيد ويطفيها
ي أحلام الأمس الأماني وين راعيها . . يلامس الحلم سراب ويظن صعب تحقيقها
نمت واحلامي المستقبل هو ششاقيها . . مجهول والوقائع ضامنه لها ايام تخبيها

السبت، 28 يوليو، 2012

مسكين من يبرد قهره بقهر . . ما درى اني من القهر محشومه
يكابر وبدوني حالته ما تسر . . ويظن اني من فرقاه مجروحه
ينتظرني ويقول عساني أمر . . أسولف معاه واضحك من علومه
عساه ينتظرني أحر من الجمر . . مشكور مكتفيه من طعونه
علاقتنا علاقة اقهر تنتصر . . أنا عنيده وهو يزيد سيوفه
م يدري ان قلبي من حجر . . لا انكسر طلعت ألماسه بجوفه
ما تنكسر! سيوفه هي تنكسر . . أكيد الحين تلعب به ظنونه
أحبه بس فعايله مالها عذر . . خل يعتدل ويزيد مقدار الرجوله
وذاك الوقت من عيوني يامر أمر . . أبطل عناد بس هو يبطل طعونه

الأربعاء، 27 يونيو، 2012

بالتوفيق . ،


\\
بدت ثورات الكتب وأصل المعاناه 
والطالب المجتهد اللي يسعى لطموحه
عسى الله يوفق كل طالب قال من التعب آه
وعسى الله يحقق آحلآمه وكل طموحه

==

لو همهم أخلاق !


\\

لو بعض البشر همهم أخلآق . . كان ما لقيت كل اهتمامهم بالأناقهه
ولو الأناقهه هي نفسها الأخلاق . . كان لبست شيلة وفا وعباة لباقة
يا آخلاقنا معروفه نهاية هالسباق . . دام الناس نسوج وانتي أصل الأناقه

--

لزمان لم يعرف معنى الأناقهه :)

زمان الأقنعه ؟



أكره الناس اللي تلبس لك خمسين قناع . . وبالأخير هم ترا مب قد الأقنعهْ
يبان تمثيلهم لو انهم محترفين الخداع . . م عليك الا انك تبين لهم شكثر هم مهزلهْ
م يحتاي أبد ترد لهم الصـاع بالصـاع . . هم عأرفين دورهم وأنت ما عليك الا التكملهْ
يعني خلهم يحسوا انه وجودهم ماله اي داع . . بيملوا من التمثيل وبتبان كل الأقنعه
البس لهم من اللامبلاه آجمل وأحلى قناع . . ولاتنسىوجهكك وتصير من زمان الأقنعه


[آهدآء مني ْ لزمآن الأقنعه ] 

الجمعة، 22 يونيو، 2012

اهداء لأغلى من ذاتي


ما عاد يهمني انسان في حياتي
سواج انتي ي خطيره ي ذاتي
اشعر  انج انا وانا مثلج انتي 
يعني انتي  شبيهتي فموقع ثاني 
لا قالو رقوي اقول من يقصدو انتي؟
ولا انهم ينادوني انا ويقصدوني 
اصبحتي انسانه جزء من ذاتي
معقوله گكـيف اقدر اتخلى عن ذاتي
وين ما اروح انتي وين ما رحتي 
مرتبطه فيج لو اني فالقطب الشمالي
انا معج دايم وانتي معي وين ماگنتي
ادري گلامي صاير مجنون منج انتي
 كيف افهمج وانتي من قبل م أقول فهمتي
بإختصار أبعطيج المفيد ياگل مفيدي 
(مابي احد في هالدنيا سواج يخاويني )
. . . 
(إهداء) . . لإنسآنه مقدر أكمل شي بدونهإ ؟ احس انه ناقص
انسانه لا راحت دقيقه أحس اني فقدت شي؟! ،
انسانه يهمني رايها     \\    وأهم شي ما تزعل مني ‘
انسانه لا شافت عيوني فهمت اللي بقوله 
تحس فيني قبل اي شي اقوله 
تزعل عشاني 
تضيق لجلي 
وم تخليني 
ومنهو غيرهآ


خططر :$







الأربعاء، 20 يونيو، 2012

اهداء لج ي مدونتي :)

ي مدونتي انتي شخص عمري ما عرفته؟
لكن تصدقي احس اني احبج حب يا كثره 
انتي الوحيده اقدر اكتبلج من غير اي قدره
على اني امسك احاسيسي عن الكيبورد والكلمه !
ي زينج لو كل الخلايق مثلج وتصيري قدوه
تتقبلي اي شي مني وتسمعيني لآخر لحظه 
م تلومي ولا تعاتبي ولا تحسسيني اني متكبره
ما تقولي كلام يجرح مثل هالخلايق المتدمره 
مجرد انج تاخذين ويوسعج كلام ياا ككبره 
تفهميني وكل احساس احطه صار لج عبره 
منتي مثلهم لا ملوا راحوا وقالوا الحب ياقهره
م يفكروا الا بنفوسهم لكن انتي تنتظرين اللحظه
م تروحي باقيه تنتظريني اكتب فيج كل كلمه
ولا انتهيت حطيتيها فيج لوحه لها برواز ي حلوه
تدرين صحيح انج شخص عمري م عرفته ؟ 
لكن الواضح انتي بس بتبقين دايم لي منتظره 


الثلاثاء، 12 يونيو، 2012

ليش ؟


للأسف في زمنا هذا شي صرت أجهله !
ليش القصيدة تشتهر لا صارت اغنية؟
ولا سألته شو اسم شاعرها قال بثقه
يغنيها فلان وياكثر حبي لهذي الغنيه
والشاعر وينه؟ يذكر لمجرد مظهره 
صحيح ماني بشاعره ولكني محبطه
من هذي اللي ممكن أسميها شبه مهزله
أعتقد الشاعر يقدر يكون لشعره ملحنه
واعتقد يقدر يكون مغني لكن بطريقته
يقدر يعزف شعره على الحان نغمته
ويقدر يخلي الشعر يغني على عوده
من يفهم كلامي ومن ياتري يقدر يطبقه 
غير الشاعر المجنون بشعره وفكرته
اللي ما كتب شعره عشان ينال شهرته
اللي كتب شعره لجل يفرغ اللي يحس به
وما راح اتأسف على شي للحين أجهله
لان القصايد هي اكيد  اساس أحلى اغنيه

. . . 



السبت، 9 يونيو، 2012

كره للواقع


أعتقد إني صرت أحمل مشاعر كره للواقع                                 
وأعتقد ان بعض البشرصار م عندها مشاعر
بعضهم تلقى غرورهم طاغي فكل شي عليهم 
والبعض تلقى شعوره بارد اعصاب وجداً يكابر 
السكوت ينفع أحيان ولكن السكوت احيان خاطئ
وبعض الخلايق في الحب دايم تلقاها تخاطر
تصبح غبيه بس لانهإ تحب  انها تكون القمه
وبالأخير البشر تندم تذكر ماضي ونست حاضر
ليش م نصبح بشر لها انجازات في هالواقع
ليش م نصير ابطال لوطن دومه ينااضر 
اهتماماتنا في اشياء خلتنا دايم نسمع فاشل
لو انه نقدر انصير بشر تمليها المحبه والمشاعر
لو انها عانت وصار الها مواقف خلتها جريحه
نسعى ونفكر فبكره ونفرح ونصنع في حاضر 
يفخر بوصولنا لموقع او يفرح بمكان ومنصب
ينتظر انسان يضحك بأمل لو انه مكسور الخاطر
هذا كلام يحس فيني ويكتب معاي كلمات للواقع
ويليت لو الواقع دايم يتصف ويصير خيال شاعر
الوحيد اللي بيفهم هو اللي يفكر بعقله اللي له حاكم
وم الومها أبداً المشاعر لو انها قررت تساففر
لا تفكر اني ملاك وهالصفات والأمور مني متبريه
تراني بشر وقلة الخطا في البششر شي نادر

=)



                                                                          

الأحد، 3 يونيو، 2012

غيابك !

...

ي زين غيآبك لا صار الزعل لك  حجه 
ولا صرت انا الغلطانه لاني بدون شعور
انته تعرف كماليات الحب اللي مالها لزمه
لكنك ما تعرف اساسياته اللي لها دور
تعرف تضيق لكن م تعرف تصلح الأزمه
لانك تغيب بعذر انك مني منت مسرور
تضيق مني وم تلقي غير الغياب لك وجهه
يليت لو تدري ان الشعور مثل السنين يدور
انا اقصد واتعمد امثل اني من حديد متكونه
عشان اعرف معنى الغلا عندك  يا غيور
لكني ما لقيت سوى بيبان علي مصطككه 
تجبرني اقول غلطانه واتأسف والقى عذور
جرب مره لا ضقت مني تنطق كلام له نبره
تبينلي بأني م ارتكبت الا غلط وراه سبب وشعور
بأني ضايقه من كون مابه مكان ينوره  شمعه
تخلي الشخص يظهر شعور انه بهاليوم مسرور
تمنيت أقرا كلام بأن مهما قلت بكون لك ورده
وحتى كلام الضيق لا طلع مني صار لك نور
 للأسف م لقيت غير بيبان الغياب علي مصطكه
وم اكتشفت غير  انت والغياب صرتوا علي شرور

...




الجمعة، 4 مايو، 2012

اهتمامك بإهتمامي !




إذا كــنت بشوف اهتمــامــك بإهتــمامــي
اعذرني عمره الـــحب ما كـــان بهالطريقه
وان كــان حبك لـــي كلام وشوية أغــاني
مابي كلامك ولابي ترسل حروفك العنيده
صرت اقسى من جروح الوقت والزماني
صرت  مثل اللي ماله خاطر عندي وقيمه 
من بعد ما كــنت أندر شخــص في حــياتي
ارتفع غيرك وصار له عندي من  رصيده
يمكن اني احبك ويمكن اني صـرت اعانــي
ومن كثر ما تجرحني اقولهم ي رب م اطيقه
وانا احبس مشاعر صارت كومه  من أماني 
تنتظر منك كلام يرجعها  لك ولحبي يصيده 
ي حياتي وينك ؟ م عدت اشوفك ذاك الحاني
اللي لا شاف دمعه بــعيني قام الحــزن يقيده
اللي لا حس اني حزينه صار يزرع أفراحــي 
ولا شعر اني مجروحه منه اعتبر نفسه جريمه
صرت تنطق كلمات من أبشع ما سمعت فحياتي
م همك شعوري ولا همك حتى احلى أحاسييسه 
علموك تصير جاحد وانا فيك حتماً ضاع اهتمامي 
ضاع لانه كل ما الشوق يجبرني لوصالك أجيبه
ينقتل شوقي كل ما اذكر ان كل أهدافك عتابي 
لوم نفسك عاتبها وجرب كلامك قبل ما تصيبه
فقلبي اللي تحــمل منــك كل انــواع العــذابــي 
ي بعد هالدنيا فكر شوي في الــكلام اللي قريته
واعرف اني احبك بكل معــاني الحب والتفاني
انا وفيتــك وببقى الوحيــده اللي معــك ســعيده
عود لذاك اللي يحس فيني لو انه مات من غيابي
ولا تكون مجرم مثل اللي ماله في المجتمع قيمه
\\
..
[كتبتهإ ، ووكككلي آممل ] . . . ="

الخميس، 29 مارس، 2012

فكر فنفسك


فكر فنفسسك . . 
م ععدت ابي ارجي وجودك 
م عاد يهمني حضورك او شكوكك
يا ضمير منعدم منه الحياه 
مشاعر توصف بإنها حصاه
انته تشكي هالدنيا وهالحياه 
وانا اشكيك . . لقلبي وروحك
فكر بنفسك . . 
لا تقول اني ابي احس بوجودج 
لا تقول ارجوج ابي احس بإهتمامج
انت عمرك ما استحقيت الإهتمام 
انت ما تستحق اللي احسه من آلام
انت ما تستحق حتى أحلام المنام
لو انك فكل لييله . . تقول ابيج 
فكر فنفسك . . 
روح وانسى هالتعب اللي تعيشه
وانا انساني معاهم لاني تعيسه
خل قلبك لحاله في سلام
وانسى اني كنت لك غمام
انسى حتى زمان ذيك الأيام 
لو انه فراقك . . هي فكره تعيسه 
لكن 

فكر بنفسسك 

 [ كتبتهإ من  . . . . . . قهر ] 
                                                                                                           قهر

الثلاثاء، 27 مارس، 2012

الوفا والحب



تنتظرنا بالوفا والحب هذي السفينه
يا ترى . . . 
وين الوفا ضاع فزحام المدينه ؟ . . 
يا سنين العمر قولي وينها أحلام السكينه ؟
يا ضياعنا يا دمار الوقت بفراقنا 
اشعر اني في ضياع واني حزينه
يا ترى. . 
وين المحبه و المشاعر الدفينه
وين الشعور اللي في الخلايق الكئيبه
كلهم صارو يداروا نفوسهم الدنيئه
يا خرابنا. .  يا همنا بالدنيا وضياع احلامنا
اشعر انهم جماد والمشاعر هي غيمه 
يا ترى . . 
يا مطرها تهطل وتغرقها المدينه
ولا يبقى الجفاف سائد والمشاعر شديده
وأوزون العواطف ما زالت جحييمه 
يا ألمنا . . يا بشر عمرها ما تدري بزمنها
اشعر اني في سجن الشدايد سجينه
والنهايه 
ما عرفناها والبشر ما زالت غريبه  ؟ ؟ 
. . . 

[ كلمات ممزوجه بغغرآبه خرجت مني دون علمي ] 
                                                          دون علمي
                                                                                                        دون علمي 

الأربعاء، 21 مارس، 2012

أمي


يا راسج اللي ابوسه والدمع في عيني..اشعر بإنه قليل في حقج يا أمي

انتي الغلا وانتي كل سنيني..انتي حياتي وبشوفتج أحلي

وأذوق طعم الحلا في يومي .. وانسى همي وللفرح أهلي 

[ شخآبيط لآمي التي لم يعرف غلآهإ سواي ]

الاثنين، 19 مارس، 2012

خلآص . . !


خلاص يعني كل شي كان  أوهام
ولا مجرد حلم منه انا ما صحييت 
على اخر ايقاض من خنقة زحام
صحيتني بجرح منه أنا ما شفيت 
أتعبتني بدروبك وخليتني بالأحلام
يلين ما استوعبت اني حتما شقيت 
فدروب المحبه جروحك دايم للأمام
وانا استقبلها وكأني لهالجروح سعيت
تدري وش معنى المحبه وشعور الوئام
ولا تدري ياللي اصلا عمرك ما دريت
انته انسان بلا مشاعر انته كلك حطام
انته متعقد بماضي انته منه ما اكتفيت
ما نسيته حبك الأول ولا عليك اية ملام
تذكر انها خانتك وانا لك يا حبيبي وفيت
روح ياللي بوحدك سعيد وعايش فسلآم
وانسى اني احبك واحبك بصدى ليت 
اني ما احبك ولا قلت لك ذاك الكلام 
اكره شعور اني فكل يوم لك حنيت 
وأبكي كل ما احس انك بدوني تنام
يا دنيا المحبه العذر دام من قلب حبيت
وعذرا على الوفى ووصليله مني سلام
اعترف اني حزينه واسمحيلي ترا اكتفيت

. . .

[ كلمإت من مشاعر كانت مسجونه ] 
                                        مسجونه 
                                                  مسجونه

الخميس، 15 مارس، 2012

تجرحه !


 دايماً انا البداية وانا النهاية وانا الأخير 
ودايم شعور قلبي تنساه ودايم تجرحه
مليت اكون البداية في الدرب العسير
ومليت اشتاق واهتمامي دايم تنكره 
اذكرلي مره كنت تسعالي وانته ضرير
واقول انا الغلطانه وقلبي راح اتهمه
لكنك لا ضقت من اي شي قلته بضمير
تعاتبني وتقول انتي علي حبيبتي متغيره
اسأل نفسك سؤال وخلها تحكيلك المسير
وخلها تقولك ليش مشاعري صارت متحجره؟
يا قلبي لا جيت تعاتبني لا تنسى الضمير
وفكر قبل لا تطلع الكلمه اللي لقلبي مؤلمه
انا حزينه والحزن فيني صار له سرير
في كل ليله تضايق قلبي وبكلماتك تطعنه
انا تعبت ومشاعري حتماً اصابها تخدير
واحس برجفه ومشاعر جداً مخربصه
خليتني مجروحه وما بين تأنيب الضمير
عقلي صابه خلل واصابه ياهي مفججعه 


[ آكتبهإ من مشاعر ألييمه ] 

="(


السبت، 3 مارس، 2012

يالإمتحانات


\\

يالإمتحإنات  ترى والله ما هو بوقتج !
                                            العقل وينه لجل يحفظ الكتاب ويذاكر؟
القلب ضايق ودروبه بعيد عن دربج 
                                            والحزن فيني صار له موطن ومعابر 
كيف ابفهم ! واحس اني اذاكر همج 
                                           الود ودي انسى الماضي بباكييت زقاير
يالإمتحانات افهمينا وافهمي درسج
                                           بنصبر  كلها أيام ولأحلآمنا لازم نذاكر

~ شخآبيط مإ قبل المعإناه  . . . [ بالتوفيق ] 

=)

الخميس، 1 مارس، 2012

بنام



بنإم وبنسى هالواقع وبنسى كل هم كان 
بنام وبنسى الناس والأشخاص والعالم
بنام وبحلم ورد ومدينة ما فيها زمان 
بنام وعسإني انسآك حتى في الأحلام
. . 
ما بنإم  بمسك الغصة وببكي بخاطر تمليه الأحزان !
مإ بنآم . .بصيح بطرف غرفة وبجمع لك حمإم ! 
وبشكي للدمعه والسرير . .  وبقولهم كان يا مكان 
بنت حبت . . نساها في هالليل وكان لها غمام 
يغطيها بصوته ويحكيلها حكاوي لها احلى الحان ؟ . . . 

\\
[ششخآبيط قبل النوم ]
             
="(                 

متى تشتاق


\\
آبآ آفهم متى انت لي تششتاق وتحن  . ، ومتى أمر في بإلك  لو حتى ثواني
خلني استوعب اشتياقك لو سمحت! . . وعطني شعور الحب لكن مب خيالي
أرجوك حسسني لو مره انك تهتم . . واسأل علي لو لحظة حتى لو مااتحاتي 
مشاعري تجبرني أسأل عليك واحن . . واطمن قلبي انك بخير من اسبوع قاسي
أحيان أقسى عليك وازعل وامثل الهم . . واحيان احسني ما احبك من كثر معاناتي
احسك تحبني اوقات واوقات منت مهتم . . واوقات احس انك تنتظر يوم به مماتي
يا حلمي وفرحي وحزني ويا اكببر غم . . يا جرح يا بلسم جروح يا بسمه يا شقاتي 
فهمني انك تحبني واقول لك انك اكبر حلم . . ضعت فيه وما لقيت به فرحة حياتي 
احس اني اسعى لك وغيرك مالهم اي داع . . واحسك تقول تراج انتي فسلة مهملاتي!
ومرات احس اني اميره ملكك انت بسس . . وبتعطيني عيونك لو اني اطلبها فثواني 
احساسي أتعبتي وخلاني امتلي من الهم . . واوقول:-  يا ترى هل هو علي يحاتي ! ؟ 
. .*

آخخ منك يآ احسسآسي !  =" )

الأحد، 26 فبراير، 2012

المدواخ !

. . . 
اكـسـر الـمـدواخ لا هـنـت يالـغـالـي
وانسى كمـال الجسـم وخلـك مرتـاح
تـرا هـمـومـك ما بـتـروح بـثـوانـي
والـوقـت بـيـعـدي والـهـموم تجتـاح
لو الـهـم يصـفـى مـنه تـرا ما بعاني
وبدوخ لين انسى الناس والأشخاص
ولـو الحــلى فـي الـجـسـم الـمـثـالـي
كان ما لقيت تفكير الناس فعدة أشياء
وكان بـيـصـير هـدفهم للمكان الفلاني
وكـان ما هـمـهـم الـدنـيـا ولا الأوقـات
لذلك انا همي وفكري في الوضع الحالي
للمـجتمـع والـشبـاب بأخـص الـعبـارات
يليت لو همنا أخلاق بها تسمو المعاني
كـان ما باعوا صـحتهـم عـشان مدواخ 
. . .
كلمات من شخإبيطي ، لمجتمع شبابي بإت يحترق من [ تعمييره ] !

=")

السبت، 4 فبراير، 2012

آه يآ احسسآسي !



ضآق قلبي ومدري وش آسباب هالضيقه . . اختنق جوي والصمت ساد الفضا جوه
ضاعت حروف الكلام وانتظر منه حروفه . . واسكت يلين ما يقسى علي ويضيق صدره
آخ يا قلبي قول وينها ذيك المشاعر القديمه . . وين ضحكي وفرحي لا شفت حررفه 
أنا أحبه ولكن شي خلاني أكون مستحيله . . وأكون انسانه عكس اللي كانت وسط قلبه
ياخوفي من الوصول الى النهايات الأليمه . . وياخوفي من اني أتغير آكثثر من كل مره
أنا آسفه جدا من تصرفاتي اللي جداً أليمه . . وآسفة لأني من كثر ما احبك صرت مختبصه
ما عدت أعرف كيف اوصل لك معنى الغيره . . وما ادري وش هالجنون اللي وصل حده
يا ودي أعوض عن كل شي انته تعيشه . . لكن للأسف ما قدرت اعطيك اللي تستاهله وقدره 

=( . . شعور أتمنى منه الررحيل ،

الجمعة، 3 فبراير، 2012

كلمات


نصصيحه :  

خلك فدنيآك مثل عآبر سبيل . . انسى همومك واعتبرها هدإيآ 
لا تضايق لو رحل عنك حبيب . . ولا اتشآئم من جروح ورزايا
خل عندك صبر وارادة للبعيد . . وخلك طموح مثل شمس العطايا
اصنع حظوظك لو مالك حظوظ . . وارسم احلامك ولا تخليها بقايا



الثلاثاء، 10 يناير، 2012

تجرح!


. . 
آحب كلمإتك رغم إنها تجرح 
وأحب جرحها وما ودي يطيب
أذكرهآ دآيم وفيهآ دآيم آسررح
والوقت يجددهآ في قلبي الصعيب
آفهمها ضروفك حبيبي لا تشرح
أنآ دوآك وانته لي أحلى طبييب

\\
. .*

فرصه سعيده


خلك على حآلك ونلتقي على خير
فرصه سعيده حبيبي والله ويآك
عمري قضيته حسرآت ودآيم نغير
عليك يآمزيون ويآزين محيآك
. . . 
بأول زمآني أحبك وحبي لك غير
واليوم لآ آودك ولآلي بطريآك
سآمحني هذآ القدر وحلمك قصير
وآحلآمي انهدمت بلحظة فرقآك
. . . 
خلك على حآلك وتصبح على خير
نوم العوآفي حبيبي والله ويآك
\\

. . . *
من ششخآبيطي آكييد =) ، آتمنى تعجبكم !

الاثنين، 2 يناير، 2012

أنام واصحى

\\
أنام وأصحى والمشاعر تبقى على حآلهآ
حتى المشاعر تحبك وانت دايم تنساها
وضعي هو وضعك والمحبه يآ هنيآلها
دام انت فيها يآ آحلآ من المحبه وغلاها
انت وانا وانا وانت كلها نفس معناها
ما يوصلوه لو بحثو هالمعاجم وأوراقها
لو فسروها عند أكبر عالم مالقوا قانونها
لو يسألو أحكم حكيمه ما راح تنفع أحكامها
والطب ما يلقى علآج لو الأدويه وصفوها
يآ نصي الثاني وش نفهم بخلايق ما نفضالها
حبنا قضية هالعصر لكنها قضيه بدون حلولها
الحل الوحيد انهم يجمعونا أو بتبقى على حالها
. . *
وهذي هي القضضيـہ =)
وسلآمتڳم