الثلاثاء، 28 أغسطس، 2012

معنى الحزن !

لو يسألوني شو هو اصل الحزن؟
بقول انه شعور يسمى حرمان
تحرم من اي شي يسمى حزن
وهو شعور من اختلاق الانسان
تحس به  مثل ما تسمع لحن
والحزن أعتبره مجموعة الحان
تبكينا وحزنه يمكن يبكي غصن
وتبكي بنت كساها صوت ذبلان
ولا رجل فارق له اهل ووطن
أو شخص من فعلته حيل ندمان
انا شعوري بالحزن مثل الحزن
انت الحزن يا مفارقني وزعلان
ودي بقربك وتصير عينك لي وطن
ودي ولكن المسافات شخص خوان
والوقت يغدرني واحس مالي زمن
الزمن  في بعدك ذكريات واحزان
اقضيه دونك واحس بصوتك شجن
اشتاقلك وادري فبعدي انت شفقان
وتأكد اني بدونك صرت اصل الحزن
اللي معناه اني بدونك اشعر بحرمان
 
 
 
 
 
 


ليست هناك تعليقات:

إرسال تعليق