الاثنين، 11 فبراير 2013

أسطورة مملكة زايد

[ أسطورة مملكة زايد ]

يا من بنى اتحاد سبع الإمارات
كيف ما نعشق  طواريك يا زايد
ذكراك باقية وحبنا ماهو بكلمات
ياللي كنت بالمجد والرفعه دوم قايد
رحلت ولك في القصايد ملايين الأبيات
عمرها ما توفي حقك ياللي حب يتزايد
منو ما يعرفك ياللي خيرك عم الإمارات
وانتشر في هذا الكون باسم زايد
لا ذكرته يا كيف دايم تخنقني العبْرات 
كان ودي بشوفه لو حتى دقايق
لو حتى من مسافة عشر كيلومترات
حظ منهو ناظره أحسده على هالدقايق
ومنهو سمع منه كلمات وعبارات
يا كثر ما كان ودي أكون من السبايق
على شوفة منهو خلى فيني ذكريات
الله يرحمك ياللي كتبت فتاريخنا الحقايق
بنيت دولة ما هزتها عيون الحاسدات
وكملها خليفة ونعم شيخ شجاع
كمل الاسطوره اللي تنكتب في حكايات
حكاية  وحدة ما توفي لو قدر المستطاع
لأن اللي نعيشه شي هو ثامن المستحيلات
تخطينا المستحيل وشيوخنا هم السباع
محمد بن زايد هو زايد في كل المواصفات
ومحمد بن راشد ماهو من الصعايب مرتاع
لو أوصفكم ما توفيكم وصف الأبيات
لأن الشعور اقوى من قافية وبيت وأشعار
يالشعوب اقروا علينا ثلاث المعوذات
أخاف لا ينحسد هالشعب على كل هالأخيار
الرب لج حافظ يا سبع اسطورات
ويحفظكم الله يا شيوخنا يا  رمز الأخيار
يا شعب زايد افتخر كونك من الإمارات
وشيوخنا  دايم  يخلونا نزيد من هالافتخار
أنا حقيقة الحين تخجلني هالأبيات
ودي أرد الجمايل أكبر من مجرد كتابات
عندي أهدف أبنيه لهالوطن وطموحات
أبي أحققها لجل أبين حبي للإمارات
انتظرني يالمستقبل وبكون من السابقات
مثل ما علمتنا هالدولة حب المنافسات
أحبك يا وطن حب أكبر من هالقافيات
حب كثر ما يحب شعب زايد الإمارات
أبوظبي العاصمة وأجمل من كل العاصمات
ودبي كثر ما بحكي بطولاتها ما بوصلها
والشارقه ثقافتها غطت على كل الثقافات
وراس الخيمة هي مرباي ويا زين جوها
أحبها من دون شك لأنها أساس الذات
وشوكة في جنوبها أنا حيل أعشقها
وعيمان بلا ذكر هي نور وضي الإمارات
وأم القيوين هي قوتين لا يمكن أذكرها
والفجيرة أهل الكرم والقلوب الصافيات
الساحل الشرقي صار مغرم في هواها
كل إمارة لها شي يميزها عن الباقيات
يلين ما اجتمعت وصارت اعجوبة بفعايلها
أنا الحاسدة لنفسي على هالوطن بالذات
وأنا العاشقة لتراب هالدار والنفس تفداها
لو الشعور بداخلي يجتاحها هالأبيات
كان لميت من القصايد ولا يمكن أحصيها
هذي الدار صاحبها خليفة شيخ البطولات
وهذي الدار في الأصل زايد هو راعيها
الله يا دارن زرعها لين ما صارت جنات
وشيوخنا كل واحدن من  خيره ساقيها
يكملوا مسيرة اللي قاد أعظم المسيرات
الله يرحمك يا زايد يا قايدها ويا بانيها
ولعيونج يا داري أنا أروضها هالمستحيلات
وأبدع في سماج بحروفي وأشعاري وقوافيها
أبرسم في بحرج وأبروز في أرضج انجازات
لأنج عطيتي والعطايا انتي كل معانيها