هم الدرآسسه ،

ضاقت بنا الكتب وضاقت بي العبآرات

مليت اتصفحها وأقرآهآ والنهايه صعيبه

السبب ماهو اهمآل ولاهو مب مهتمات

ولاحتى كره للدراسه وللطموح البعيده

احنا فينا احلام تقتل كل الفاشلآت

وودنا نحقق كل امانينا بهذي العزيمه

لكن الوضع في هالزمن ماهو بكلمات

صار الحال اصعب من الحاله القديمه

الكتب والدراسه وفوقهم هذي الإمتحانات

والأنشطه بأنواعها ومشاركتنا كبيره

نعاني ونحفظ ونرسم فوق الألم بسمات

ونرد البيت واحنا عقولنا صارت سجينه

تفكيرنا فبكره واللي بعده وحتى في الفات

ونقول بنسوي والوقت ثوانيه سريعه

يطوف اليوم واحنا تفكيرنا بس فهالمعانات

ونصحى بشهقه نسينا واجب ولا فلينه

أحلامنا صارت كتب وشوية كلمات

نحفظها اليوم وتزورنا في أحلامنا الجميله

يليت لو مناهجنا تحكيلنا اشياء نعيشها في لحظات

نستفيد منه في وقائعنا اللي احيانا وخيمه

أو فيها رسمات مثل صف اول وكلمات

تحفز الطالب وترسم البسمه على ملامحه الحزينه

لكن الوضع نحفظ اليوم وباكر ننسى هالصفحات

ويمكن تمر معلومه ونقول ياهي قديمه

انا ما أعبر عن كرهي للمدرسه بهالعبارات

لكن هذا كلام  كل طالب في هالمدينه

لكن فيها أشياء ياهي أحلى من كل هالسخافات

لأن فيها أشياء أحلى من كل شي نعيشه

أكبر مثآل اني مع احلى ثلآث بنات

بنت رآحت لكن ذكرآها جدا جميله

راء خاء ألف أجمل شي تعلمته من الصفحات

خمس سنين وهذي سنه وصداقتنا سليمه

يارب تحفظنا من كل عيون الحاسدات

اللي طموحهم يهدموا أحلامنا الكبيره

سنه وحده ونغادر هالكتب وهالكرآسات

ونبتدي خطوه طموح لمستقبلنا بعزيمه

لكن محال الوقت يمحي صداقه الوقت بالساعات

نبقى وتبقى أيامنا صفحات حلوه لكن أليمه